Trafiku është një nga shqetësimet më të mëdha të qytetarëve të Tiranës. Pas mbylljes së qendrës për zhvillimin e projektit mbi pedonalen në “Sheshin Skënderbej”, ka pasur shumë ankesa nga qytetarë të ndryshëm, të cilët shprehen se trafiku është rënduar edhe më shumë.
Një nga këta qytetarë është edhe këngëtarja Rozana Radi, e cila në një status të gjatë ka shprehur shqetësimin e saj të përditshëm.
“Tirana ime në kaos total. Kam frikë të dal nga shtëpia sepse bllokohem në qendër. Nuk ia dal dot të shkoj në orar në punë sepse punën e kam shumë larg dhe biçikletë nuk kam. Në të vërtetë unë mund të mos di t’i jap fare biçikletës. Tiranës i duhen rrugë, i duhen parkingje nëntokësore, nuk i duhen pedonale. Të detyrojnë të blesh biçikletë! Dhe për ata që s’e dinë të detyrojnë ta mësosh. Po nënat e reja që janë në marrëdhënie pune çfarë duhet të bëjnë në mëngjes nga kaosi i madh i trafikut? Të marrin fëmijët e tyre të mitur, t’i hipin në biçikletë dhe t’i dërgojnë në çerdhe e kopshte? Absurditete shqiptare!”, shkruhet në foton që ka shpërndarë Rozana në” Instagram”.
Mw pas ajo ka replikuar edhe me ndjekësit e saj, të cilët e kanë kundërshtuar.
“Të më krijojnë kushtet e një metroje dhe do ta lija në shtëpi makinën. Dhe mos më bëni si ambientalistë këtu se kur jeni në qendër ju rri fiks ajo që kam shkruar në status. Ta gëzoni pedonalen me skara. Sa janë bërë gjithsej se nuk numërohen më?”, a qenë kjo një nga replikat e Rozanës.
