Vetëm pas një viti, lakuriqësia po kthehet te “Playboy” në numrin mars/prill. Cooper Hefner, djali i publikuesit te revistës Hugh Hefner, i cili së fundmi është zgjedhur si drejtor kreativ i “Playboy”, publikoi një deklaratë në “Twitter” se revista bëri një gabim duke hequr lakuriqësinë nga koveri. “Playboy” publikoi numrin e parë pa lakuriqësi në mars të 2016-s.
“Kur ke një kompani dhe themeluesi është përgjegjës për nisjen e një revolucionit seksual dhe më pas kërkon të çrrënjosësh aspektin e ADN-së së kompanisë duke hequr lakuriqësinë, kjo bën shumë njerëz, përfshirë mua, të thonë “Çfarë dreqin po bën kompania?”, tha 25-vjeçari Hefner në një intervistë për “Business Insider”.
Revista mori vendimin që të mos përfshinte më imazhe të femrave nudo në faqet e saj në tetor 2015, por Cooper bie në kundërshtim me vendimin dhe thotë: “Nuk jam dakord me vendimin, sepse si një i rritur dhe një mashkull, nuk e shoh lakuriqësinë si një çështje. Çështje ishte mënyra se si lakuriqësia dhe vajzat ishin portretizuar”.
Numri i ri madje përfshin edhe një titull “Lakuriqësia është normale”, e cila është kthyer tashmë në një hashtag. “Playboy” ka bërë gjithashtu shaka duke u veshur veprave më të mëdha të artit bluzë të bardhë.
“Ky është një moment shumë i veçantë nga ana personale dhe profesionale, që të ndajë këtë numër të revistës “Playboy” me babin, si dhe me lexuesit. Ky është një reflektim se si marka mund të lidhet më mirë me brezin tim dhe brezat që do të vijnë”, thuhet në deklaratën e tij.
Burimi: Marie Claire
