Numri i ri i revistës prestigjioze “Vanity Fair” ka në kopertinën e saj të gjithë yjet e “Hollywood”-it, të cilët janë mbështetësit kryesorë të fushatave kundër ngacmimeve seksuale në industri.
Realizimi i kësaj kopertine po pritej me padurim nga të gjithë fanatikët e “Vanity Fair”, pasi konsiderohej si numri më i mirë i vitit, por rezultoi të jetë e kundërta. Në këto foto të postuara nga mediat online menjëherë janë vënë re gabime të bëra me “Photoshop”, të cilat u komentuan nga fansat në “Twitter”.
Gabimi i parë: Në njërën nga fotot shihet Oprah Winfrey, e cila ka 3 duar, të djathtën që e mban tek beli, të majtën që e mbështet në prehër dhe çuditërisht një të tretë, të cilën e ka rreth aktores Reese Witherspoon.
Gabimi i dytë i bërë nga stafi i kësaj reviste është shfaqja e aktores së famshme Reese Witherspoon me 3 këmbë. Sa i përket aktorit James Franco ai është hequr në mënyrë dixhitale nga kopertina pas akuzimeve për ngacmime seksuale.
Vetë personazhet e famshëm, por edhe publiku i kanë komentuar me shumë humor këto gabime të “Vanity Fair”. Disa janë shprehur se tani që Oprah ka 3 duar nuk është ndonjë çudi e madhe që ajo do të kandidojë për Presidente e Shteteve të Bashkuara, pasi të gjithë ata që janë në krye të shtetit konsiderohen jashtëtokësorë.
“Dëgjoni, Oprah mund të ketë 3 duar”.
Një tjetër shkruan se, Reese Witherspoon mund të arrijë kaq shumë gjëra, sepse ka 3 këmbë.
“Nëse nuk po kaloni një ditë të mirë në punë sot kujtoni se, ju nuk jeni personi që keni lënë fotot e Reese me 3 këmbë dhe atë të Oprah me 3 duar, të printoheshin”.
“Ophra ka 3 duar dhe Reese ka 3 këmbë dhe ne duhet t’i pranojmë ashtu siç janë. 2018-ta është që të duam trupin tonë”.
“Tani që Oprah u ekspozua si një alian me 3 duar, kandidimi i saj i ardhshëm si presidente merr kuptim”.
Aktorja Reese Witherspoon, e cila ishte një nga viktimat e dështimit të “Photoshop”-it, reagoi me humor duke thënë:
“Mendoj se dikush e do tani e di… Unë kam 3 këmbë. Shpresoj që sërish të më pranoni për atë që jam. Nuk do të kërkoj kurrë falje që u struka pas Oprah-s. Jua rekomandoj ta bëni”.
Pas kësaj deklarate, aktorja 41-vjeçare u dallua e veshur në mënyrë “casual”, ndërsa fliste në telefon. Ajo mbante një filxhan kafe dhe kishte një buzëqeshje në fytyrë.
Edhe Oprah reagoi duke i thënë Reese: “E pranoj që këmbën tënde 3D. Me sa di, ti pranove 3 duart e mia”!
Sa i përket përgjegjësisë që revista mban për këto gabime jemi të sigurt, që dikush nga stafi i tyre po i paguan shtrenjtë.
Burimi: Daily Mail
