Restoranti ‘Noma’ është votuar si restoranti numër një në botë për të disatën herë.
Shefi i kuzhinës Rene Redzepi (Rexhepi) ka lindur në Danimarkë, por ka rrënjë shqiptare. Ai ka jetuar disa kohë në Tetovë, ku ushqimi tradicional dhe përbërësit e freskët vendas e frymëzuan atë akoma edhe më shumë.
Në Maqedoninë e Veriut, ai jetonte në një zonë rurale, në një shtëpi të madhe me shumë anëtarë, ku ata hanin ushqim vendas, kryesisht vegjetarian dhe shumë të shëndetshëm.
Sa i takon restorantit, Noma u hap në vitin 2003 në Kopenhagen kur Redzepi (Rexhepi) ishte vetëm 25 vjeç.
Çmimi që mori më herët erdhi pas një viti pasigurie për shkak të pandemisë COVID-19.
Gjatë fjalimit të tij, Redzepi (Rexhepi) tha: “Nëse pandemia na ka mësuar diçka, është se sa të brishta mund të jenë ëndrrat tona dhe se sa e vështirë mund të jetë kjo fushë. Unë dua të njoh të gjithë njerëzit e restoranteve që kanë luftuar për mbijetesë. Është paksa e çuditshme të qëndrosh në këtë fushë duke e ditur se ka kaq shumë njerëz që ende luftojnë.”
Në vitin 2019, “Noma” u rendit në vendin e dytë të restoranteve më të famshme në botë.
Më pas, “Noma” u rihap në qershor të vitit 2020 me një menu të larmishme dhe shumë të dashur për konsumatorët. Në shtator, “Noma” mori cmimin “3 stars Michelin”.
