Reshjet e dendura të shiut i kanë lënë vendin dëborës në disa zona të vendit.
Në zonën e Llogarasë ka pasur reshje dëbore dhe rruga është bërë e rrezikshme për t’u kaluar pasi ka ngrica në gjithë segmentin Dukat-Llogara-Palasë.
Reshjet kanë nisur pasditen e sotme dhe në pak orë lëvizja e automjeteve është bërë e vështirë.
Sa i përket qarkullimit të automjeteve në zonë, këshillohet të bëhet kujdes, të lëvizet me zinxhirë dhe me goma dimri.
Moti parashikohet të jetë i paqëndrueshëm edhe në orët në vazhdim.
