Ditën e sotme vendi është mbuluar nga reshjet e dendura të dëborës. Në Rrugën e Kombit, Peshkopi dhe Kukës janë shfaqur vështirësi në qarkullimin e automjeteve.
Reshjet e dëborës janë intensive dhe kanë zbardhur Rrugën e Kombit. Mësohet se trashësia e dëborës në këtë aks ka shkuar deri në 10 cm. Në terren kanë dalë borëpastrueset për largimin e borës.
Moti i keq po ashtu ka përfshirë edhe disa zona të thella në qarkun e Kukësit ku dendësia e borës ka shkuar deri në 20 cm.
Sakaq, reshjet e dendura të dëborës kanë krijuar shtresa akulli në rrugë, ndërsa lëvizja e automjeteve bëhet me zinxhirë dhe goma dimërore.
