Të rralla kanë qenë daljet e aktorit të njohur, Reshat Arbana, në emisionet televizive.
I ftuar në emisionin “Pasdite në Top Channel”, aktori i mirënjohur foli për jetën e tij, familjen dhe karrierën.
Por ajo që tërhoqi më shumë vëmendjen ishte rrëfimi i trishtë në lidhje me raportin e tij me të birin.
Është e vështirë të jesh baba?
Është sigurisht shumë e vështirë po mos t’i hyjmë kësaj teme. Unë e kam pasur shumë të vështirë për disa gjëra që më kanë ndodhur me tim bir, që nuk dua t’i hyj kësaj teme, prind ai që e kupton që është prind duhet të mbajë përsipër edhe përgjegjësinë që ka si prind. Fëmija është dhimbja më e madhe për prindin, nuk ka dhimbje më të madhe, nuk të zë sytë asgjë prej gjëje, as pasuria, as vlera, në fund të fundit do ikim një ditë e do mendojmë çdo lëmë pas edhe kjo ka rëndësi, unë çuditem me disa familje, për disa që ti shkasë fëmija në këtë formë të kalojë në ekstreme të bëhet kriminel, ishalla nuk e kemi këtë fat”.
