Reperi i njohur me origjinë nga Kosova, Action Bronson ishte i pranishëm këtë fundjavë në Prishtinë ku performoi në festivalin “Sunny Hill”, i cili u organizua nga babai i Dua Lipës, Dukagjin Lipa.
Mirëpo gjatë pjesëmarrjes së tij në këtë koncert Action u përfshi në një incidenti që çoi në shoqërimin e tij në polici. Sipas lajmeve që qarkulluan në media, reperi ishte kapur teksa ndizte një cigare marijuanë gjatë performancës në skenë dhe më pas e kishte hedhur atë në drejtim të publikut.
Pas këtyre lajmeve ka reaguar avokati i Bronson, i cili ka thënë se cigarja nuk kishte përmbajtje narkotike dhe madje të njëtën gjë ka pohuar edhe organizatori i koncertit, Dukagjin Lipa.
“E ka mbështjellë domethënë duhanin në mënyrë të tillë për ‘show’, të cilën e bën kudo në botë. Por, megjithatë, policia ka kryer një punë shumë të mirë.”, është shprehur Dukagjin Lipa.
Pasi u vërtetua se gjithçka ishte një keqkuptim Action është lënë i lirë nga policia.
