Reperi i njohur Capital T ka një projekt të madh në mendje dhe këtë e ka paralajmëruar për fansat e tij prej kohësh.
Kapo ka provokuar sërish dje përmes postimeve të tij në rrjetet sociale, të cilat japin indikacione për projektin që do të sjellë në tetor.
Ai ka gjetur një mënyrë shumë origjinale për të realizuar një video, në të cilën shfaqet më ndryshe me flokë kaçurrela dhe i kthyer prapa, që të jep përshtypjen e personazhit të njohur ‘John Snow’ nga “Game of Thrones”.
Por në momentin që kamera afrohet, Trimi zbulon identitetin duke treguar se nuk është ‘Jon’, ndërsa në mbishkrimin e videos bën edhe njëherë paralajmërimin për projektin e tij të madh.
“Kushdo që ka thënë se duhet pritur një vit për sezonin e ri të ‘Game of Thrones’ nuk është e vërtetë. Sezoni i ri nis në Tetor 2017. Bëhuni gati,kjo është thjesht nxehja. Dimri po vjen”, ka shkruar Kapo në Instagram.
