Reperi shqiptar i njohur me emrin Daxter është arrestuar së fundmi nga policia italiane në Milano.
Ai akuzohet për shitje të lëndëve narkotike. Nga kontrolli i bërë iu gjetën në makinë 19 doza kokaine dhe dy mijë euro para cash.
Reperi u pikas nga policia pasi ka kaluar me automjetin e tij dhe ka shitur doza kokaine te një australian. Pas kësaj policia i është vënë pas duke e ndjekur derisa e ka arrestuar.
Daxter ka lindur në qytetin e Durrësit por ka emigruar në Itali së bashku me familjen. 25-vjeçari është i njohur në shtetin fqinj për muzikën e tij, si dhe pak muaj më parë reperi ka bashkëpunuar me këngëtarin shqiptar Stresi.
