Reperi Action Bronson ose siç njihet ndryshe me emrin ‘Bam Bam Baklava’ në Instagram, ka dhënë një intervistë së fundmi për “Complex”.
Artisti me origjinë shqiptare por që ka lindur në SHBA, ka rrëfyer së fundmi arsyen se përse ai ka refuzuar një rol që i ishte propozuar për të luajtur në serialin e famshëm “Euphoria”.
E gjeni dot arsyen?
Ai ka bërë me dije se i kanë kërkuar që të luajë rolin e një shpërndarësi droge.
“Ata donin që unë të luaja rolin e një shpërndarësi droge që shkonte me vajzat e shkollës së mesme,”-theksoi reperi. “Action Bronson nuk e bën këtë, vëlla”, tha ai duke bërë me dije se për këtë arsye refuzoi rolin.
Kujtojmë që ‘Bam Bam Baklava’ ka qenë i përfshirë dhe në disa projekte kinematografike si ‘The King Of Staten Island’ dhe ‘The Irishman’.
Ndërkohë, Kosovën ai e ka vizituar për herë të fundit në vitin 2018. Asokohe, ai mori pjesë në “Sunny Hill Festival”, duke dhuruar spektakël të paparë.
Reperi ka rrëfyer se ai nuk flet shqip pasi ka kohë pa e dëgjuar të flitet te të tjerët.
“Unë nuk flas shqip. Nuk e kam folur apo dëgjuar për një kohë shumë të gjatë”, ka thënë ai.
