Lil Nas X i hitit “Old Town Road” që ka pushtuar botën tre muajt e fundit, duket se sapo pranoi homoseksualitetin.
Në ditën e fundit të muajit të krenarisë LGBTQ dje, ai u shpreh:
“Disa prej jush e dinë tashmë, disave s’ju plas fare […] Por përpara se ky muaj të përfundojë dua ta dëgjoni me vëmendje “C7osure”‘, shkruajti ai dje në Twitter, bashkë me ikonën e ylberit, që është simbolike e krenarisë LGBTQ.
nope on Twitter
some of y’all already know, some of y’all don’t care, some of y’all not gone fwm no more. but before this month ends i want y’all to listen closely to c7osure. ??✨ https://t.co/O9krBLllqQ
Ai i referohet një kënge të publikuar në albumin e tij të parë, “7”.
Teksti i këngës thotë: “Dua dhe kam nevojë ta lëshoj veten/ Ta shfrytëzoj kohën për të qenë i lirë”.
Këto vargje, fansat po i kuptojnë tashmë si një deklaratë lirie nga barrierat e paragjykimeve.
Ky veprim nga ana e tij konsiderohet dyfish i guximshëm sepse skenat e muzikës hip hop dhe country, dy zhanret që ndërthuren tek kënga “Old Town Road”, njihen si shumë paragjykuese kur vjen fjala për komunitetin gej.
