Mesa duket Skivi nuk po e pëlqen tregun muzikor që është krijuar së fundmi në Kosovë, ndaj ai ka vendosur të qëndrojë larg dhe të mos publikojë asnjë këngë deri vitin tjetër.
Përmes një postimi në Instastory reperi ka treguar arsyet e tij për këtë, duke shkruar: “2019 hajde sa më shpejt se nuk e kam në mend të nxjerr asnjë këngë deri për Vitin e Ri. Të shohim ç’po nxjerrin estrada. Disa shumë mirë, bravo… Por kur shoh disa, nuk e di pse bëjnë muzikë ose pretendojnë të jetuarit në estradë”.
Skivi gjithashtu ka dhënë sugjerimet e tij se si duhet të veprohet që muzika në Kosovë të ecë përpara: “1.Funksionimi i ligjit për të drejtat e autorit.
2.Komunitet akademik për vlerësimin e këngëve në emisione live nëpër media.
3.Media të pavarura.
4.Trafiku kibernetik në Kosovë.”
Ndërkohë Skivi prej disa muajsh është larguar nga labeli “Babastars” dhe ka rregulluar marrëdhëniet me Ledri Vulën.
