Reperi Nipsey Hussle është qëlluar për vdekje ditën e djeshme. TMZ raporton se 33-vjeçari u qëllua me armë jashtë dyqanit të tij të veshjeve, në Los Anxhelos. Dëshmitarë okularë në zonë pohuan se dëgjuan disa të shtëna armësh.
Let’s pray for @NipseyHussle pic.twitter.com/5FeXkPMVdK
— Miss_Bre (@Miss_CaliSwag) March 31, 2019
Dy persona të tjerë u plagosën, ndërsa mësohet se autori u largua me shpejtësi me makinë.
“Nuk kemi asnjë të dyshuar tani, por do të publikojmë të reja sapo të kemi”, thuhet në njoftimin e departamentit të Policisë së Los Angeles.
Rihanna ishte në mesin e artistëve që u shokuan nga lajmi, pasi shkroi në Twitter: “Kjo nuk ka kuptim! Shpirti im është dridhur nga ky lajm”.
Nipsey Hussle, emri i vërtetë i të cilit ishte Ermias Davidson Asghedom, mësohet se ka qenë pjesë e bandës së kriminelëve “Rollin ’60”, kur ishte adoleshent.
Ai më pas u bë një organizator komuniteti dhe u përfshi në projekte arti.
“Unë u rrita me kulturën e bandës. Ne u morëm me vrasje. Ishte sikur të jetonim në një zonë lufte, ku njerëzit vdesin në këto lagje dhe të gjithë janë thuajse aspak imun ndaj saj”, tha ai në një intervistë në 2018-n.
Mesazhi i fundit që reperi la në Twitter ishte: “Të kesh armiq të fortë është një bekim”. Por për të nuk ishte kështu!
Burimi: BBC
