Reperi i famshëm Nelly ka bërë një deklaratë tronditëse duke thënë se nuk do të ketë më lidhje me të atin Cornell Haynes Sr.
Reperi 43-vjeçar ka shkruar një status në Twitter ku thotë se ai do të shmangë babain e tij në nivel personal dhe financiar dhe gjithashtu se ishte nëna e tij Rhonda Mack ajo që e rriti dhe u kujdes për të gjithë jetën e tij.
‘Fjala baba është një fjalë e fortë … diçka që kur isha fëmijë nuk e njihja sepse babai im nuk bëri asgjë nga ato që duhej të bënte, vetëm atë që dëshironte të bënte” – shkruante Nelly.
“Shpresoj që gjithçka t’ja ketë vlejtur për ty, unë s’kam më punë me ty, s’do të marrësh më para nga unë, paguaji vetë faturat”- shtonte më tej në shkrimin e tij.
Artisti i famshëm gjithashtu bëri të qartë se ishte nëna e tij që bëri sakrifica kur ishte fëmijë për ta rritur, jo babai i tij.
“Ju nuk e keni parë mamanë time … Por duhet ta dini se ajo ishte gjithmonë aty për mua, në lojën time të parë, kur u diplomova ajo pa rezultatin e parë, më bleu xhinset e mia të para, fshiu lotët e mi të parë dhe më mësoi të luaj… Djali i mamit!” – shkruan Nelly.
