Reperi i njohur amerikan Lil Xan ka përfunduar në spital pasi ka ngrënë patatina djegëse.
Në një seri postimesh në Instagram, Lil Xan tregoi sesi përfundoi në spital dhe postoi një fotografi nga një ambulancë.
Lil Xan tha se po hante Hot Cheetos, por shpejt vuri re se diçka nuk shkonte me aparatin e tij tretës.
“Unë vetëm dua t’ju bëj të ditur të gjithëve se nuk shkova në spital për shkak të ndonjë droge, por mendoj se hëngra shumë Hot Cheetos dhe më shkatërroi stomakun”.
Ai nuk tha se sa qese me patatina kishte ngrënë, por kuptohet ta ketë tepruar, pasi i doli gjak nga stomaku.Incidenti i Lil Xan nuk është aspak i pazakontë dhe njerëzit kalojnë situata të tilla gjatë gjithë kohës. Në korrik, një grua e re duhej të hiqte tëmthin pasi hëngri katër qese Hot Cheetos brenda një jave.
