Konkurrenca më e fortë në muzikë shikohet te reperët, të cilët nuk lëjnë rast pa i bërë “diss” njëri-tjetrit përmes këngëve.
Ndërsa suksesi i Noizy-t nuk ka të ndalur, armiqtë e tij në muzikë nuk janë pakësuar, por duket se janë shtuar.
Mbrëmjen e djeshme në “Zonë e Lirë” ishte i ftuar një reper i ri, i quajtur G-Wizze. Ai publikoi klipin e ri “24 orë” dhe foli për reperët shqiptarë, duke thënë se të gjithë ata që kanë qenë në Angli janë bërë të njohur nga ai.
Në një pjesë të tekstit ai thotë: “Pjeshka e Durrësit me buzët e trasha bën si më të suksesshmit në Shqipëri”.
Kjo frazë është kapur nga Çani i cili e ka pyetur konkretisht nëse është Noizy, por G-Wizze ka refuzuar të përgjigjet duke thënë se nuk do të bëjë publicitet, pasi personi të cilit i drejtohet e kupton vet.
