Nëse do të thonim a e njihni reperin armenian Super Sako, me siguri që do të thonit “jo”. Por këngën e tij e keni dëgjuar të paktën në katër versione të ndryshme në shqip.
Këngën e tij “Mi Gna“ (dont’go) e keni dëgjuar në çdo klub nate dhe me siguri keni kërkuar që t’i gjeni këngëtarin.
Reperi armenian ka qenë i ftuar këtë të premte në “Zonë e Lirë“, për të folur më tepër për karrierën e tij, jetën private, por ajo me të cilën u përball në emision ishte me të vërtetë befasuese. Kënga e tij ishte kopjuar nga 4 këngëtarë shqiptarë, për të cilat sigurisht nuk ishte aspak në dijeni.
Por kjo jo vetëm që nuk e çudit, por madje tha se e gëzonte! Kjo pasi të gjitha paratë që fitohen nga klikimet në këto video, shkojnë jo në llogari të artistëve shqiptarë, por të Super Sako-s.
“Në këto video në Youtube, të gjitha paratë që vijnë nga klikimet, shkojnë në llogarinë time, sepse kompania u ka bërë “block” këtyre këngëve. Muzika publikohet në “Youtube”, por të gjitha paratë nga klikimet vijnë tek unë, sepse bëhet fjalë për të drejtën e autorit”, u shpreh ai.
Kur u pyet nga Cani nëse i interesonte të kishte sa më shumë “hajdutë”, ai tha: “Po”.
