Një aktor i njohur e konsideroi “traumatike” rëniën e flokëve të princit William dhe njerëzit po ziejnë kundër tij në Twitter.
Rob Lowe, i njohur për role në filma si “About last night”, u pyet nëse e konsideron veten më shumë apo më pak të kujdesshëm për pamjen e jashtme sesa burrat anglezë.
Ai u përgjigj:
“Ata kanë standart shumë të ulët! E keni parë Williamin?!”, u shpreh Loëe për britaniken “Telegraph”, “Domethënë, vetë mbreti i ardhshëm e lë t’i bien flokët, këtu e kam fjalën kur them se burrat anglezë kanë standart shumë të ulët. Sinqerisht, një ndër përvojat më traumatike të jetës sime ka qenë të shikoja si princit William po i binin flokët. Do bëhet mbreti i Anglisë, e kuptoni?!”
Pas kësaj, një lëvizje e quajtur “të ngremë zërin për William-in” ka pushtuar Twitter-in.
Dhjetëra njerëz i janë vënë kundra aktorit për komentin.
“Ndoshta mbreti i ardhshëm ka çështje më të rëndësishme tek të cilat të fokusohet. Jo tek vaniteti i cekët hollivudian.”, shkruan një përdorues i Twitter-it.
“Rob LoWe, duhet të jetë një shaka! Pse dreqin duhet ta tallësh dikë se i kanë rënë flokët?! As princin William, askënd në botë! Kaq i cekët je?”, shkruan një tjetër.
