Renato Mekolli është shumë i kujdesshëm për jetën e tij private. Për shefin më të njohur të kuzhinës nuk dimë asnjë detaj nga jeta e tij personale, përveçse ai është në një marrëdhënie prej kohësh dhe është i kënaqur për këtë.
Duke mos preferuar të zbulojë se identitetin e femrës që është përkrahë tij, Renato nuk ka postuar asnjë foto në rrjetet sociale me të dashurën e tij.
Mbrëmjen e djeshme i ftuar në emisionin “Në kurthin e Piter Pan”, Renato është vënë në siklet nga pyetjet e sinqerta të fëmijëve për jetën e tij private.
“Cila ka qenë e dashura e parë dhe kur e ke puthur për herë të parë?”, ishte pyetja e njërit prej fëmijëve të “Piter Pan”.
Pas kësaj pyetje Renato ngeli i befasuar, por pavarësisht kësaj, ai jo vetëm që iu përgjigj pyetjes, por dha edhe emrin dhe mbiemrin e të dashurës së tij të parë.
“Për herë të parë e kam puthur në shkollë, quhet Blerina Bakia…”, tha Renato duke theksuar se ajo është martuar me amerikan dhe jeton në Amerikë dhe ndaj nuk e ka problem t’ia përmend emrin sepse “ai nuk merr vesh gjë”.
Dhe në fund për ta bërë situatën më humoristike, Renato u kujtua se Blerinën e ka puthur në faqe dhe jo në buzë.
Një pyetje tjetër e fëmijëve të “Piter Pan” për Renaton që shkaktoi shumë të qeshura ishte: “Ti vesh bokse apo tanga?”.
“Asgjë”, u përgjigj Renato duke qeshur.
