Dafina Zeqiri di të bëjë surpriza dhe goditi sërish me projektin e fundit.
Në fakt, këtë herë ajo ka sjellë remix e këngës mjaft të pëlqyer “Vuj vuj vuj”, që është mirëpritur shumë mirë nga publiku.
Prej pak orësh projekti gjendet në You Tube dhe po bëhet viral, kjo prej videoklipit të veçantë ku protagonist është Miran Ramadani, i cili ka rrëmbyer zemrat e të gjithëve me videot humoristike që poston në rrjetet sociale.
Ky projekt i Dafinës pason të famshmen “Zili zili”, që bëri goxha bujë dhe u konsiderua si një “diss” për Taynën, teksa ndër rreshta thuhet.
Inatin mrena n’shpirt e kini. S’mun dashni me dhon kur n’zemrën tane ki veq zili zili.
Lajmet pasuan njëri-tjetrin dhe Tayna solli një freestyle në “Gjoni black”, që u mor si kundërpërgjigje ndaj këngës së Dafinës.
Ndër të tjera, reperja thotë gjatë freestyle:
Po m’vje inati? Jo bre, ty t’vjen inati. Hajde po shtyhum, sy m’sy se dorën ta zgjati. Ato nuk din me fol shqip wow, le mo me repovat! Dhjetë vjet karrierë për dy vjet i kom bo”
Pas kësaj ato e hoqën njëra-tjetrën nga Instagrami, teksa ditët e fundit nuk kemi patur ndonjë zhvillim të ri.
Nuk e dimë se çfarë ka ndodhur mes tyre, por padyshim jemi shumë kuriozë ta mësojmë.
