Sapo kemi hyrë në muajin korrik, e temperaturat e larta na kanë mbërthyer. E mesa duket ditë akoma më të nxehta na presin, por një sapo e kaluam.
3 korriku i 2023 u regjistrua si dita më e nxehtë ndonjëherë në nivel global. Temperatura mesatare globale arriti në 17.01 gradë Celsius, duke tejkaluar rekordin e Gushtit 2016 prej 16.92 gradë Celsius.
Studiuesit amerikanë thanë se rekordi i ri ishte më i larti në çdo rekord instrumental që daton nga fundi i shekullit të XIX. SHBA-ja jugperëndimore ka vuajtur nga një valë shumë e nxehtë javët e fundit. Temperatura të hënën në Arizona u regjistrua si më e larta për këtë vit.
Në Kinë, vazhdoi një valë e qëndrueshme e të nxehtit, me temperatura mbi 35 gradë Celsius. Në Afrikën Veriore, temperaturat iu afruan 50 gradë Celsius. Madje edhe Antarktida, aktualisht në dimër, regjistroi temperatura jashtëzakonisht të larta. Edhe Italia po kalon ditët e saj më të nxehta.
Shkencëtarët thanë se ndryshimet klimatike, të kombinuara me ‘El Nino’, janë fajtorët kryesorë për këto temperatura.
“Fatkeqësisht, ai premton të jetë vetëm i pari në një seri rekordesh të reja të vendosura këtë vit pasi emetimet në rritje të [dioksidit të karbonit] dhe gazeve serrë të shoqëruara me një ngjarje në rritje El Nino i shtyjnë temperaturat në nivele të larta”, tha Zeke Hausfather, një shkencëtar.
