“Rekordet Guinness” i kushtuan një video artistit shqiptar, Saimir Strati, i cili hyri për të 10-tën herë në librin e rekordeve.
Pasi numëron 10 rekorde të tilla, prej vitesh Strati duket se konkurrent ka vetëm veten, për të sjellë çdo vit diçka ndryshe, gjithnjë nën stemën e flamurit shqiptar.
Vitin e kaluar, i cili ishte viti i shenjtërimit të Nënë Terezës, Strati vendosi që të realizonte mozaikun më të madh ndonjëherë të realizuar me kapëse teli.
“Mozaiku ka një përmasë prej 10 m² dhe është i përbërë nga 1.5 milionë kapëse teli”, shkruhet gjatë videos.
Vetë Strati është shprehur më herët: “Mozaiku është realizuar në ambientet e “Muzeut Kombëtar” të Kosovës, unë kam punuar për 28 ditë për të realizuar të gjithë veprën”.
Por rekordin e radhës, atë me numër 11, Strati pret ta realizojë në Shqipëri.
Burimi: Youtube
