BBC solli në programin “The Ark of Taste” receta unike nga vendet e ndryshme të botës. Mes recetave të këtij viti, radio prezantoi edhe një nga Shqipëria.
BBC zgjodhi glikonë e arrës, një recetë nga Jugu i Shqipërisë, për të cilën shkruan që përgatitet me arra të papjekura dhe sherbet.
“Është një recetë nga Shqipëria Jugore, një zonë plot me pyje të dendur, kanione të thella dhe ura osmane. Glikoja shërbehet me pije alkoolike ose lëngje në festa tradicionale ose familjare”, shkruhet në përshkrim.
Edhe pse është një recetë kaq e veçantë, glikoja e arrës është drejt zhdukjes duke qenë se brezat e rinj shfaqin pak interes për kuzhinën tradicionale, si dhe duke qenë që arrat rriten natyralisht, është e vështirë t’i kultivosh në sasi më të madhe për prodhimin e glikosë. Shkrimi vë në pah që kjo zonë e Shqipërisë ka nivel të ulët punësimi dhe nivel të lartë emigrimi, por të huajt mendojnë, sipas raportimit të Dan Saladino-s, që nëse kjo recetë do të kthehej në një industri të vogël, mund të ndryshonte jetën e banorëve dhe të mbronte traditën e rrezikuar të ushqimit.
Burimi: BBC
