Të gjithë e vërtetuam këtë verë se Ardian Bujupi është djali i surprizave dhe duket se është kthyer në një makineri hitesh.
Së fundmi ai ka zbuluar se do publikojë më datë 30 tetor një bashkëpunim me artistin e mirënjohur Gent.
Kënga quhet “Jepi” dhe mesa kemi kuptuar nga rrjetet sociale është xhiruar në Prishtinë.
Por, nuk mbaron këtu sepse Ardiani ka gati dhe një këngë tjetër të quajtur “Rebela”. Ai ka ndarë një pjesë të saj në rrjetet sociale, por pa dhënë detaje. Sakaq, ai pritet të sjellë dhe një bashkëpunim me Finem.
Këtë periudhë Ardiani në fakt ka qenë shumë aktiv me këngë të reja.
Disa javë më parë ai solli Reggaeton, një këngë ritimike dhe tipike verore, teksa më 28 gusht ai publikoi “Të dua” në bashkëpunim me Mudi.
Së fundmi ka lançuar edhe “Juliet” një këngë shumë e bukur dashurie, teksa ne jemi në pritje të publikimit të “Zarar”. (KLIKO)
