Elda Shabani e njohur ndryshe si “Madonna shqiptare”, ka reaguar sot në emisionin “Shqipëria LIVE” në Top Channel, pasi emri i saj u shfaq në përgjimet e rrjetit të prostitucionit, për të cilat Zogu i Tiranës, Hermes Nikaj është në burg!
Këngëtarja, e akuzuar se është pjesë e rrjetit të prostitucionit ka thënë se “50 Eurot” e përfolura ishin një lloj “pagese simbolike” që artistët jo shumë aktivë në televizion duhet të bënin, që të siguronin intervista.
“Kam dëgjuar nga Hermesi punën e 50 eurove, por për punë intervistash. Më ka ndodhur mua personalisht. Artistë që nuk janë shumë aktiv në televizion dhe kanë dëshirë të reklamohen nëpër intervista kërkonin ndihmë nga Hermesi. Ishte një lloj pagesë simbolike,” është shprehur Elda sot në “Shqipëria LIVE”.
Më herët ajo publikoi në Facebook një status ku tregonte se nuk është e përfshirë dhe e gjitha është një shpifje.
Madonna shqiptare, u shpreh se është e martuar dhe e ndershme.
