Ambasada shqiptare në Athinë ka njoftuar se nuk është identifikuar asnjë viktimë nga komuniteti shqiptar, si pasojë e zjarrit që doli jashtë kontrollit në Athinë.
Ambasadorja shqiptare në Greqi, Ardiana Hobdari është shprehur në një intervistë për “News 24” se ende nuk ka ndonjë konfirmim zyrtar për shqiptarë mes viktimave, por janë vetëm tre të plagosur.
Hobdari nuk përjashtoi faktin se mes viktimave mund të ketë edhe shqiptarë që kanë marrë shtetësi greke.
“Megjitha ka ende trupa që janë në kërkim që gjenden mes shtëpive apo makinave të shkrumbuara,” – u shpreh ajo.
Sakaq, për “Top Channel”, Përparim Vucaj, emigrant prej më shumë se 15 vitesh në Athinë, tregon se zjarri nisi papritur dhe u përhap shumë shpejt.
“Mësuam në lajme që ka rënë zjarr disa kilometra larg, kur vetëm pas pak minutash, mori flakë edhe këtu pranë. Nxituam menjëherë për t’u larguar”, rrëfen Përparimi.
Deri më tani janë raportuar se 76 persona kanë ndërruar jetë, mes tyre 24 fëmijë. Ndërsa më shumë se 188 persona janë lënduar.
https://www.youtube.com/watch?time_continue=3&v=zOmLUKavlRs
