Pas zgjedhjes së republikanit Donald Trump si president i SHBA-ve, përkrahësit e demokrates Hillary Clinton kanë qenë të parët që kanë shprehur pakënaqësinë e tyre.
Mes përkrahësve të demokrates është edhe Rihanna, e cila ka publikuar sot një deklaratë të Trump, të bërë në vitin 1998 në revistën People.
“Nëse do të kandidoja ndonjëherë, do ta bëja si republikan. Ata janë grupi më budallenj i votuesve në vendin tonë. Ata besojnë gjithçka që u del përpara në ‘Fox News’. Vë bast se votat e mia do të ishin tmerrësisht të mëdha”, ka thënë Trump në deklaratën që ka risjellë Rihanna në ditën e zgjedhjes së Trump president.
Rihanna e ka shoqëruar postimin me “emoji” dëshpërimi dhe duke lotuar. Ajo ishte një ndër përkrahëset më të mëdha të Hillary Clinton, së bashku me një grup të madh artistësh si, Beyonce, Jay Z, Katty Perry, Bon Jovi, Madona etj.
A photo posted by badgalriri (@badgalriri) on
