Mbrëmjen e djeshme “Grammys” shpalli nominimet në të gjitha kategoritë dhe Dua Lipa dominoi së bashku me Taylor Swift dhe Beyonce me 6 të tilla.(Kliko) Mirëpo pas bërjes së tyre publike, duket se ka pasur të pakënaqur, një ndër ta këngëtari me famë botërore, The Weeknd. Ky i fundit e ka cilësuar “Grammys” si eventin më të korruptuar, sepse këtë vit ai nuk është nominuar në asnjë kategori, pavarësisht se ka dominuar listat botërore të muzikës me hitet e tij.
“Grammys vazhdon të jetë i korruptuar. Ju më detyroheni mua, fansave të mi dhe industrisë, transparencë“, ka shkruar The Weeknd.
Këngëtari i referohet procesit dhe personave që bëjnë përzgjedhjen e nominemve, sepse kjo gjithmonë ka qenë sekret. Ky reagim i The Weeknd ka nxitur edhe Ardian Bujupin, i cili ka reaguar po ashtu i revoltuar kundër faktit që ka qindra hite, por nuk ka fituar asnjë çmim.
Bujupi ka publikuar si fillim deklaratën e The Weeknd dhe më pas ka shkruar disa fjalë vetë.
“Çdo vit unë kam realizuar hitet më të mëdha në Europë pa klikime të rreme, për shkak të fansave të mi besnik dhe s’kam fituar asnjë çmim! Ky është biznes i madh”, ka shkruar këngëtari.
Vetëm gjatë këtij viti Ardian Bujupi ka publikuar 6 këngë dhe të gjitha kanë arritur me miliona klikime.
