Nëse kemi thënë çifti më i ëmbël i showbizit, kemi thënë padyshim Elgit Doda dhe Klea Huta. Dy artistët janë kthyer brenda pak viteve në një nga çiftet më të dashura të publikut shqiptar. Ata kanë filluar romancën 4 vite më parë dhe vitin që lamë pas e kurorëzuan dashurinë e tyre në martesë, por pa dasmë, për tu bërë prindër për herë të parë vitin që lamë pas
Tani kanë një familje tepër të bukur dhe 7 muaj më parë erdhi në jetë edhe fryti i tyre i dashurisë Kridi. Këto muaj dy prindërit e rinj kanë ndarë me ndjekësit momente mjaft të ëmbla me të voglin e tyre që iu ka ndryshuar jetën.
Ndonëse ndan shpesh postime të lezetshme me Kridin, Klea ende nuk na e ka zbuluar portretin e tij. Ditën e djeshme ajo ka realizuar një bashkëbisedim me ndjekësit e saj në Instastory, ku ka ndarë edhe disa momente shumë të veçanta.
Dikush e ka pyetur moderatoren nëse Kridi e pëlqen zërin e ëmbël të mami Kleas kur këndon dhe kjo e fundit nuk e kurseu një video.
Teksa Klea i këndon, Kridi belbëzon e buzëqesh ndërsa reagimi i tij na shkriu zemrat!
Klea Huta është rikthyer sërish në ekran pas disa vitesh mungesë me një spektakël të ri. Tashmë atë e shohim në “Vizion Plus” nën drejtimin e emisionit “Këngë Moj”, dedikuar plotësisht muzikës.
Në të marrin pjesë emrat më të njohur të muzikës si Rosela Gjylbegu, Soni Malaj, Maya, Manjola Nallbani, Eranda Libohova, Eli fara, Vikena Kamenica, Artjola Toska, Juliana Pasha, Era Rusi, Aurela Gaçe, Kamela Islamaj e shumë të tjerë.
