Gjatë spektaklit të mbrëmjes së kaluar të Big Brother VIP Kosova, një video e ish-të dashurit të Anës, Ozit, ka bërë bujë. Në videon e transmetuar, Ozi ka dhënë versionin e tij të lidhjes me Anën, duke zbuluar se para se ajo të hynte në shtëpinë e BBVK, ata kishin rënë dakord ta mbajnë lidhjen të hapur. Ai ka shprehur kritika ndaj disa prej sjelljeve të Anës, duke i cilësuar ato të papranueshme.
Pasi Ana reagoi ashpër, duke e fajësuar produksionin dhe e quajtur atë “të flliqur”, një reagim i ngjashëm ka ardhur edhe nga nëna e Kevinit. Ajo e cilësoi produksionin si “të ulët” dhe theksoi se djali i saj, Kevini, është përballur me zhgënjime dhe goditje brenda shtëpisë. Tensionet mes konkurrentëve dhe produksionit duket se janë shtuar pas këtij incidenti.
