Një abuzim seksual i kryer fizikisht nga një burrë ndaj një vajze të mitur, dhe i regjistruar me videon e telefonit nga nipi i tij për t’u postuar më pas në rrjetet sociale.
Videoja tronditëse është shpërndarë në rrjetet sociale dhe ka rënë në syrin e një ndjekësi të Blitz.al, i cili një ditë më vonë vendosi ta denoncojë rastin në media.
“Përshëndetje. Ditën e djeshme, rastësisht u ndesha me një video në Instagram ku qartazi shfaqet skena e përdhunimit të një vajze 14-vjeçare në Shqipëri.”
Sipas mesazhdërguesit, në video kuptohet edhe raporti mes filmuesit dhe kryesit të aktit, të cilët kanë lidhje familjare. Gjithashtu sipas mesazhit, në video përmenden edhe emrat e tyre.
“Personi që kryen aktin është daja i djalit që filmon videon. Aty përmenden emrat e tyre dhe besoj identifikimi nga policia nuk do të jetë i vështirë.”
Për të mos shkelur të drejtat bazike të njeriut, videoja nuk bëhet publike, ndërsa siç shkruan vetë Blitz, çështja do të raportohet në organet përkatëse.
