Një adoleshent është gjetur në orën tre të mëngjesit duke ecur i vetëm në shi në një fshat të thellë në Francë, me një skateboard të vendosur nën krah.
Mirëpo historia nuk është kaq e thjeshtë. Mësohet se i riu ishte Alex Batty, një 17-vjeçar nga Britania, i cili ishte zhdukur që nga viti 2017.
Autoritetet britanike dhe franceze konfirmuan së fundmi se adoleshenti i gjetur nga Accidini këtë javë ishte djali që u zhduk në moshën 11-vjeçare, kur nëna dhe gjyshi i tij e morën atë në atë që ishte menduar të ishte një pushim familjar dy-javor në Spanjë.
Personat që e pikasën në rrugë e dorëzuan në sigurinë e policisë franceze. Mamaja dhe gjyshi e kishin rrëmbyer djalin dhe kishin jetuar si nomadë, kishin lëvizur nga shtëpia në shtëpi, duke mbajtur panelet e tyre diellore, duke jetuar me familje të tjera, duke medituar, pra një jetë endacake.
Adoleshenti vendosi t’i jepte fund kësaj jete, duke u ndarë me nënën e tij pasi ajo i tha se donte që ata të transferoheshin përsëri në Finlandë.
Derisa vendosi ndahej, Batty mori rrugën e tij dhe eci për katër netë duke e mbajtur shpirtin gjallë vetëm me “gjëra të ndryshme që i gjente në fusha” përpara se ta gjenin në Francë.
Nëna, Melanie Batty, me siguri është nisur për në Finlandë, tha prokurori. Gjyshi, David Batty, mendohet të ketë vdekur rreth gjashtë muaj më parë. Në të kundërt të dy janë në kërkim nga policia britanike në lidhje me zhdukjen e të riut.
Pasi nuk u kthyen në Mbretërinë e Bashkuar nga udhëtimi i vitit 2017 në Spanjë, treshja kaloi rreth dy vjet në Marok përpara se të kthehej përmes Spanjës në Francën jugperëndimore, ku duket se kanë kaluar dy vitet e fundit duke u bredhur në rajonin e maleve të Pirenejve.
Tani autoritetet franceze do ta kthejnë atë në Mbretërinë e Bashkuar për t’u ribashkuar me gjyshen e tij, e cila kishte kujdestarinë e tij përpara se të zhdukej.
Djali dhe gjyshja u ribashkuan këtë fundjavë.
“Nuk mund të filloj të shpreh lehtësimin dhe lumturinë time që Alex është gjetur i sigurt dhe mirë”, tha gjyshja, Susan Caruana, në një deklaratë të lëshuar nga policia britanike.
