Amber Rose, ish-e dashura e reperit Kanye West ka denoncuar në polici mungesën e unazës së martesës, që ia kishte dhuruar ish-bashkëshorti Wiz Khalifa.
34-vjeçarja i tha policisë se unaza, e cila i ishte dhënë asaj më shumë se gjashtë vjet më parë, ka një vlerë prej 150,000 dollarësh.
Ajo vuri re mungesën e saj në gardërobën që ka në shtëpinë e saj në Los Angeles. Sipas TMZ, Amber paraqiti një raport në Departamentin e Policisë në Los Anxhelos.
Amber po kërkonte diçka tjetër në dhomën e saj të gjumit, kur kuptoi se unaza nuk ishte gjëkundi.
Bukuroshja bjonde, e cila tani është e lidhur me 23-vjeçarin Denver Nuggets, thuhet se i ka thënë policisë se po e mbante unazën për t’ia dhënë djalit Sebastian, 5 vjeç.
Por me sa duket unaza mijëra dollarëshe është grabitur dhe policia po vijon hetimet për të zbardhur ngjarjen.
Një situatë e ngjashme ndodhi me Kim Kardashian në Paris e cila u grabit, dhe bashkë me bizhuteritë e saj miliona dollarëshe ndodhej dhe unaza e martesës me vlerë 4 mln dollarë.
