Historia e dashurisë mes Anës dhe Arsimit mori fund vetëm pak kohë pasi u zbulua nga publiku. Për pak javë ata ja dolën të mbanin të fshehtë marrëdhënien e tyre, që u duk se do të zgjaste gjatë, por në fakt nuk ndodhi kështu. Madje Ana dhe Arsimi nuk u ndanë fare mirë me njëri-tjetrin dhe nuk munguan thumbat mes tyre në rrjete sociale. Ana nuk preferoi të komentonte për ndarjen e tyre të papritur, ndërsa Arsimi tha se ajo donte vëmendje maskimale gjatë gjithë kohës.
Mirëpo Arsimi e ka harruar këtë histori dashurie dhe tashmë i ka hedhur grepat një tjetër konkurrenteje nga “Për’puthen”. Ditët e fundit Arsimi është shfaqur shumë i afërt me Antonelën dhe nuk kanë munguar as mesazhet e dashurisë mes tyre.
Arsimi ka publikuar në Instagram një foto të tij veshur me këmishë të bardhë dhe pantallona të zeza. Foton e tij e ka ndarë në Instagram edhe Antonela, e cila përkrah ka shkruar:
“Zemra ime duket kaq bukur veshur me Dolce & Gabbana”.
Ndërsa Arsimi ja ka kthyer: “Ti je mariuana ime”.
Këto fjalë dhe fotot e videot e tyre të shpeshta me dedikime në rrjete sociale nuk besojmë të tregojnë se bëhet fjalë vetëm për shoqëri. Më tepër konfuzë na ka bërë videoja e fundit e Antonelës, e cila tregon se teksa ecte në “Duomo” të Milano-s, ka takuar “rastësisht” Arsimit dhe ka ndarë një video me të, teksa qeshin të dy.
Mirëpo, se ç’po ndodh vërtetë mes tyre, s’e tregon asnjëri.
