Goldie Hawn dhe Kurt Russell morën të dy yllin e tyre në “Bulevardin e Famës” në “Hollywood”, të enjten.
71-vjeçarja Hawn, e njohur për filmat si “The First Wives Club”, 1996, apo “Private Benjamin”, 1980, dukej e mrekullueshme në një fustan të gjatë me lule duke treguar krahët e tonifikuar.
I dashuri i saj 66-vjeçar, i cili ka luajtur në filmin “Escape From New York”, 1981 dhe “The Hateful Eight”, 2015, dukej “chic” në një kostum të zi.
Çifti, i cili ka 35 vite bashkë, u përgëzuan nga audienca, përfshirë vajzën Kate Hudson dhe mikeshën Reese Witherspoon, si dhe regjisorin Quentin Tarantino (Pulp Fiction).
Ylli i Goldie-s erdhi në një kohë të rëndësishme për të, pasi filmi “Snatched” me Amy Schumer do të dalë në kinema javën e ardhshme. Kurt luan gjithashtu një rol në filmin “Guardians Of The Galaxy Vol. 2”.
Është e rrallë që dy njerëz të marrin një yll në të njëjtën ditë, por duket se atyre iu përshtat. “Mendova se do të ishte argëtuese të ishim bashkë”, tha Kurt.
Dukej se Kurt ishte po aq i dashuruar me partneren e tij, sa në kohën kur u njohën gjatë xhirimit të filmit “Swing Shift” në 1984-n.
Burimi: Daily Mail
