Aktori i famshëm i filmit “Twilight” Gregory Tyree Boyce dhe e dashura e tij u gjetën të vdekur në shtëpinë e tyre në Las Vegas.
Sipas ekspertëvë mjeko-ligjorë, 30 vjeçari dhe e dashura e tij 27-vjeçe kishin humbur jetën më 13 maj.
Të gjitha dyshimet janë vërtetuar kur raporti i autopsisë ka treguar se Boyce dhe partnerja, Natalie Adepoju, kanë humbur jetën për shkak të lëndëve narkotike.
30-vjeçari dhe 27-vjeçarja kishin konsumuar kokainë dhe fentanil dhe kanë kaluar në overdozë.
Ata u gjetën të zhveshur krah njëri-tjetrit në krevat, pa shenja jete.
Mamaja e aktorit ndau një postim prekës në Facebook ku lajmëroi vdekjen e hidhur të djalit të saj.
“Do sëmurem pa ty. Jam e coptuar, kam humbur. Kam dhimbje. Të tefelfonoja dhe të shkruaja mesazh kur kisha ndonjë problem apo isha e shqetësuar për diçka dhe më thoje që do e kalonim së bashku. Pse më le? Asnjëherë më një tjetër përqafim, puthje dhe asnjeherë s’do i dëgjoj më ato fjalë. Jam e thyer. Të dua Greggy.”-ishin fjalët e saj prekëse.
Boyce u bë i njohur pas rolit të tij në sagën “Twilight” përkrah aktores Kristen Stewart në vitin 2008, i cili luajti rolin e një studenti në shkollën e mesme.
Ndërsa kohët e fundit ai ishte në pritje të projekteve të reja në kinematografi.
