Kryeministri Edi Rama ka paralajmëruar mbrëmjen e sotme të gjitha mediat apo portalet të cilat bëjnë lajme të rreme, “fake” që do të ndëshkohen rreptësisht. Dhe jo vetëm kaq, po i njëjti ndëshkim do të jetë edhe për të gjitha ato portale që e marrin lajmin nga media e origjinës.
Gjatë Konferencës për Agjencitë e Lajmeve dhe Lajmet e rreme, Rama tha se do të ndryshohet legjislacioni për të futur në sistem edhe median online, që sipas tij është jashtë kontrollit, ndërsa shtoi se e ka provuar “në kurriz” efektin që kanë lajmet e rreme.
“Një lajm i këtij viti u përhap se qeveria kishte vendosur të pranonte ish-luftëtarë të ISIS. Ky lajm qëndroi në disa media, por u desh kohë për tu tretur si diçka e pavërtetë. U deshëm shumë sforco për të treguar se u bë një shpifje e qëllimtë. Marrëveshja ime me presidentin rus për t’i shitur një qytet të tërë në Shqipëri.
E kështu me radhë në një situatë që nuk është vetëm pjesë e jona, por është një fenomen që duhet të përballemi që të gjithë. Kjo i shërben për të nxitur një gazetari klasike për burimet e lajmit.
Në gjashtë vitet e fundit janë hapur më shumë se 600 portale. Nuk dihen se kush i financon dhe cilat janë qëllimet e hapjes së tyre. Ne do të rrisim gjobat për lajmet e rreme. Ne do të vendosim rregulla, duke bërë disa ndërhyrje që nuk do të ketë me prekje të Kodit penal apo civil. Do krijojmë një bazë të dhënash kombëtare ku do jenë të gjitha të dhënat e portaleve në Shqipëri” – u shpeh Rama.
Më tej kryemininstri shtoi se do të merren masa dhe ndërhyrje edhe tek gazetaria “copy-paste”, si edhe do të ndëshkohen ata që përhapin lajme të rreme dhe shpifje “copy-paste”.
