Prej disa ditësh, studentët në Tiranë, Durrës, Elbasan dhe Korçë kanë bojkotuar mësimin dhe kërkojnë investime në infrastrukturën universitare dhe atë akomoduese, pasi fituan betejën për tarifën mbi lëndët e mbartura ,e cila u hoq me vendim të Këshillit të Ministrave.
Pas protestës së sotme, ka reaguar edhe kryeministri Edi Rama në “Facebook”, ku përmes një video të publikuar thekson se qeveria ka nisur një investim masiv prej 18.8 milionë euro, për të ndryshuar situatën e trashëguar në konvikte. Sipas Ramës, investimi ka nisur në konviktet e Inxhinierisë dhe do të shtrihet edhe në konviktet e kryeqytetit.
“Meqë po diskutohen këto ditë edhe kushtet e godinave për studentët, ja prova që kjo qeveri, si asnjë tjetër më parë, ka nisur një investim masiv (18.8mln€ Faza 1) në bashkëpunim me qeverinë gjermane, për të ndryshuar rrënjësisht situatën e trashëguar të konvikteve. Ndiqeni deri në fund sepse nis si 3D po vazhdon si realitet i prekshëm i kantierit të parë të këtij projekti”, shkruan Rama në rrjetin social.
https://www.facebook.com/edirama.al/videos/763137820716623/
