Rafael Nadal është shpallur sërish kampion! Ai ka fituar për herë të 14 në karrierë turneun e Roland Garros në Paris. Nadal ka treguar se ai është i pakonkurrueshëm dhe i pamposhtur.
Nadal mundi Casper Ruud në setet 6-3, 6-3, 6-0, në një fitore që erdhi dy ditë pas ditëlindjes së tij të 36-të.
Askush nuk ka fituar më shumë tituj Grand Slam se i pamposhturi Rafael Nadal.
Triumfi i parë i spanjollit në Paris erdhi në vitin 2005 në moshën 19-vjeçare. Asnjë burrë apo grua nuk e ka fituar ndonjëherë trofeun në ndonjë ngjarje madhore më shumë se ai, i cili ka fituar plot 14. Edhe pse ka patur dhimbje kronike në këmbën e majtë, ai sërish triumfoi.
Ruud është një 23-vjeçar nga Norvegjia që merrte pjesë për herë të parë në një finale të Grand Slam. Ai kurrë nuk kishte luajtur as në një çerekfinale të madhe deri më tani.
Ai e konsideron Rafael Nadalin idhullin e tij, duke treguar se e admiron atë. Ai kujton se kishte parë të gjitha finalet e kaluara të Nadalit në Paris. Ai është stërvitur në akademinë e tenisit të Rafael Nadalit në Majorka.
Të dy nuk ishin takuar kurrë në një ndeshje të vërtetë deri të dielën.
Spanjolli mundi 3-0 norvegjezin Casper Ruud.
