Siç kishte njoftuar, “Bordi i Transparencës” për vendosjen e çmimit të naftës është mbledhur mëngjesin e sotëm për të vendosur çmimin e ri të karburantit për ditët në vazhdim.
Duke marrë shkas nga ulja e ndjeshme e naftës në bursë dhe po ashtu nga protestat e zhvilluara të qytetarëve, qeveria vendosi që sot ta fiksojë çmimin e naftës në 100 lek/litër.
Të njëjtin çmim do të ketë dhe një litër benzinë, ndërsa gazi shkon 80 lek/litër.
Qytetarët kanë mbushur sot radhët e pritjes në karburantet e vendit, për të furnizuar makinat e tyre. Sipas gjasave, kjo shifër e ulët nuk do të vazhdojë gjatë, ndaj ata shprehen se është momenti më i mirë për të “përfituar”.
“Nuk i kam besë qeverisë, e di që do ta rrisin prapë. Sot pas shumë ditësh nxorra makinën vetëm për ta mbushur, që ta përdor për të lëvizur kur kam ndonjë hall.”- shprehet një qytetar.
Ju që keni makina, po mendoni të nxitoni t’i mbushni sot plot me karburant, apo jo? Shumë e bukur për të qenë e vërtetë mbase?
Po, sepse sot është 1 Prilli!
Na falni, na falni që ju gëzuam dhe ju mërzitëm tani në fund. Ishalla po e ndjellim këtë çmim me të vërtetë. Hajde gëzuar!
/Iconstyle.al
