Qytetarët e Tiranës, çdo ditë e më shumë po përkrahin studentët, të cilët protestojnë prej disa ditësh përpara godinës së Ministrisë së Arsimit në lidhje me kërkesat e tyre! Ndërsa ditën e djeshme, një zonjë dërgoi një çantë me ushqime për ta në protestë, sot u bëmë dëshmitarë të një gjesti tjetër shumë bujar.
Banorë të kryeqytetit kanë hapur dyert e shtëpisë për të mirëpritur të gjithë rinjtë që banojnë në rrethe dhe e kanë të pamundur të kthehen në shtëpi.
Edhe personat e famshëm shqiptarë kanë shprehur solidaritetin me studentët, madje Blendi Fevziu, Drini Zeqo, Robert Aliaj, Marin Mema e të tjerë, iu bashkuan protestës.
View this post on Instagram
Ditën e sotme, protesta e studentëve nisi në orën 9 të mëngjesit! Ata fillimisht u mblodhën së bashku në sheshin “Nënë Tereza”, e më pas u nisën drejt Ministrisë së Arsimit, duke shmangur godinën e Kryeministrisë.
Kërkesat e studentëve për Ministrinë e Arsimit:
1. Përgjysmim i tarifës së studimi
2. Rritja nga 10% në 50% e peshës totale të votës së studentëve për të zgjedhur kandidatët për dekan/rekor dhe rritja e përfaqësisë së studentëve në senatin akademik me 20%.
3. Mbështetur në nenin 99 mbi Këshillet Studentore, Ligji i Arsimit të Lartë pika 2 kërkojmë që Bordi i Administrimit të IAL-ve të ketë numër të barabartë votash si nga Ministria e Arsimit dhe Sportit dhe IAL-të dhe të shtohet një përfaqësues në këtë bord nga studentët.
4. Mbështetje e studentëve për kërkime shkencore.
5. Mbështetje e studentëve të doktoraturës me fonde për kërkimin shkencor.
6. Përmirësim i kushteve të konvikteve të Universiteteve.
7. Dyfishim i buxhetit për arsimin e lartë.
8. Pajisja e të gjithë studentëve me kartën e Studentit brenda vitit akademik 2018-2019.
Burimi: Anabel.al
