Një ditë më parë, qeveria miratoi eleminimin përfundimtar të qeseve plastike. Ministria e Mjedisit thotë se ky vendim do të hyjë në fuqi pas 2 muajsh për t’i dhënë kohë bizneseve për t’i zëvendësuar me trasta dhe për këdo që nuk do ta zbatojë këtë rregull, do të merren masa në gjoba nga 1 deri ne 1.5 milionë lekë. Në një intervistë për televizionin Top Channel, qytetarët dhe tregtarët e shohin si një kosto shtesë këtë vendim.
“Siç e patë edhe ju në tregun tek ish-Qyteti i Nxënësve tregtarët janë tepër të revoltuar, megjithëse shumica e tyre hezitojnë të flasin me frikën se dikush mund t’i penalizojë. Ato nuk dinë ende nëse ky është një vendim përfundimtar, nga ana tjetër nuk dinë se cilat janë alternativat për t’i zëvendësuar, por thonë se kjo është kosto e shtuar për ta, pasi trastat kushtojnë më shtrenjtë”, thonë tregtarët.
Sasia e qeseve që përdoren në Shqipëri, sipas Ministrisë së Mjedisit është 100 ton në muaj ose 1200 ton në vit. Qeset plastike hidhen në mbeturina, por një pjesë e tyre e tyre përfundon në natyrë, duke ndotur mjedisin dhe rrezikuar jetën e banorëve, pasi janë të pashkatërrueshme.
