Ambasadori britanik në Tiranë, Alastair King-Smith u shpreh se gjatë 3 viteve të qëndrimit të tij si diplomat i Mbretërisë së Bashkuar në Shqipëri ka arritur të farkëtojë marrëdhënien më të fortë të mundshme mes dy vendeve.
Ai u mburr me të madhe për lidhjet mes Shqipërisë e Britanisë, duke mbyllur sytë për një fakt tepër të rëndësishëm: Që shqiptarët prej vitesh s’bëjnë dot biznes në Mbretërinë e Bashkuar pasi janë në listën e tyre të zezë, për pastrimin e parave të pista dhe financimin e terrorizmit.
“Unë jam i qartë se ky vend ka një potencial të madh. Dhe pikërisht për këtë, jam i qartë se ky vend do të arrijë gjëra edhe më të mëdha në të ardhmen. Si ambasador britanik, unë vendosa të farkëtoj marrëdhënien më të fortë të mundshme mes Mbretërisë së Bashkuar dhe Shqipërisë.
Ashtu siç edhe Sekretari i Jashtëm britanik, Lord Cameron tha kur ai vizitoi Shqipërinë muajin e kaluar, ne kemi tashmë një partneritet të gjerë që po lulëzon. Një partneritet për sigurinë. Një partneritet për mbrojtjen. Një partneritet të zhvillimit ekonomik dhe tregtar. Një partneritet për drejtësinë”- tha ai.
Ç’bashkëpunim dhe investime në biznes mes dy vende synohet të arrihet, kur paralajmërohet me të madhe se shqiptarët dhe Shqipëria janë rrezik?
I vetmi që po e shfrytëzon këtë “bashkëpunim” është vetë Klodian Allajbeu, oligarku i dyshimtë për disa koncesione, që mesa duket po pastron bizneset e tij personale në MB. Ai shprehej më herët se institucioni do të luajë një rol kyç në intensifikimin e marrëdhënieve tregtare mes dy vendeve, por “benefitet” po i shfrytëzon vetëm për interesa personale!
Që prej 24 tetorit, “Iconstyle” ka kontaktuar Ministrinë e Jashtme, Dhomën e Tregtisë në Mbretërinë e Bashkuar dhe Ambasadën, duke kërkuar një sqarim për arsyetimin pas këtij inagurimi, si dhe hapat që po ndërmerren për të lehtësuar bizneset shqiptare në tejkalimin e këtyre pengesave.
Mirëpo ende as sot, nuk kemi akoma një përgjigje!
