Ai është një ndër moderatorët shqiptarë më të dashur dhe është bërë i njohur për të gjithë me emisionin e tij “Një kafe me Labin”. Bëhet fjalë për moderatorin nga Kosova, Labinot Gashin, i cili është vazhdimisht në qendër të vëmendjes mediatike jo vetëm për jetën e tij profesionale, por edhe private.
Tetorin e vitit të kaluar ai kurorëzoi me martesë historinë e tij të dashurisë me partneren e tij Qëndresa Bajramin. Ndërsa sot me rastin e festës së Fiter Bajramit, Labinoti ka ndarë me ndjekësit e tij lajmin e bukur se së shpejti do të bëhet baba për herë të parë.
“Nga ne të tre urime Fiter Bajrami. Faleminderit Zot për gjithçka”, shkruan Labinoti krahas fotos ku shfaqet së bashku me bashkëshorten e tij.
Pavarësisht se Qëndresa ka zgjedhur një fustan me një prerje të gjerë, përsëri bie në sy barku i saj i rrumbullakosur. Nuri i shtatzënisë e ka bërë Qëndresën të duket rrëzëllitëse, ndërsa Labi shfaqet mjaft i lumtur në krah të bashkëshortes së tij.
