Këngëtarja Ronela Hajati ishte e ftuar ditën e sotme në emisionin radiofonik “KafeIn” ku foli për planet e saj gjatë muajit gusht por edhe për gjendjen e tregut muzikor shqiptar.
Ronela tregoi gjatë kësaj interviste se për të muaji gusht është i mbushur me angazhime të shumta dhe koncerte, por gjithsesi ajo vuri në dukje se këtë vit gjërat kanë ndryshuar për keq.
“Gushti është pak më i zënë se muajt e tjerë, sepse janë edhe koncertet, por nuk mund të themi se është njëlloj si vitet e tjera. Ky sezon është shumë dobët ka rënë shi, njerëzit nuk kanë ardhur… shumë gjëra në jug janë anuluar”, është shprehur Ronela Hajati për “KafeIN”.
Madje ajo vuri në dukje se këtë vit tregu muzikor ka filluar të dominohet nga meshkujt dhe femrat janë lënë pas dore.
“Sidomos për femrat tregu është bërë shumë keq këtë vit.. .mund ta themi me plot gojën, vjen era testosterone… në gjithë club-et janë vetëm çuna …. Unë mendoj se edhe ata femra që janë, u ka rënë punë”, është shprehur Ronela.
