Qeni i presidentit francez, Emmanuel Macron, u xhirua duke urinuar pranë oxhakut në Pallatin Elysee.
Pamjet tregojnë se qeni i zi Labrador-Griffon urinon në sfond, ndërsa Macron bisedon me tre anëtarët e rinj të qeverisë së tij.
“Pyeta veten se çfarë ishte ajo zhurmë”, thotë ministrja e Ekologjisë, Brune Poirson, e cila ishte e para që foli, pasi të gjithë qeshnin.
Macron pastaj thotë se Nemo ka bërë diçka “mjaft të jashtëzakonshme”.
Incidenti u kap nga stacioni televiziv francez TF1, i cili po regjistronte diskutimin.
Ministri i ri për Planifikimin, Julien Denormandie, pyet nëse kjo është diçka që “ndodh shpesh”.
“Ju keni shkaktuar sjellje krejtësisht të pazakontë për qenin tim”, i përgjigjet Macron.
Nemo u shfaq në shoqërimin e Macron në gusht, duke vazhduar një traditë të presidentëve francezë që kishin një “qen të parë”.
Macron dhe bashkëshortja e tij Brigitte thuhet se e blenë atë nga një qendër shpëtimi për kafshët për 250 euro.
Burimi: BBC
