Ariana Grande ka vendosur të pushojë dhe të qëndrojë larg mediave, pas ndarjes nga jeta të ish-të dashurit të saj, reperit Max Miller. Dukej se këngëtarja kishte gjetur ngushëllim tek kafshët dhe u fotografua shpeshherë duke shëtitur me qenushë në rrugë.
“Cosmopolitan” ka bërë të ditur se njëri nga qenushët, është pikërisht i të ndjerit Mac Miller dhe quhet Myron. Pas ndarjes tragjike nga jeta të reperit, Ariana ka vendosur të marrë nën kujdesin e saj qenushin. Miller adopltoi Myron në janar të vitit 2017, kur ai dhe Ariana ishin ende të lidhur.
Ende nuk dihet nëse Ariana e ka marë në kujdes të përkohshëm, apo do të rri aty gjithmonë. Gjithsesi, është një gjest shumë i ëmbël për t’u vlerësuar nga ana e këngëtares.
Mac Miller ndërroi jetë mbrëmjen e 7 shtatorit 2018, si pasojë e mbidozës së drogës në moshën 26-vjeçare. Miles, emri i vërtetë i së cilit është Malcolm James McCormick, ishte i lidhur me Ariana Grande për më shumë se dy vite dhe çifti njoftoi ndarjen në muajin maj. Ariana deklaroi pas ndarjes se ai do të ishte gjithmonë prezent në jetën e saj dhe se e respekton pafundësisht.
