Aktorja e njohur, Scarlett Johansson ka treguar arsyet se përse ka vendosur të qëndrojë larg rrjeteve sociale. Gjatë një interviste në “The Skinny Confidential Him & Her Podcast”, aktorja tregoi se vetëm 20 minuta në rrjetet sociale e lejnë të mbingarkuar.
Kur u pyet pse i shmang mediat sociale, Johansson pranoi se nuk mund ta përballonte atë për shkak të urrejtjes.
“Sinqerisht, unë jam një person shumë e brishtë për të pasur media sociale. Nuk mundem. Egoja ime është shumë e brishtë. Truri im është shumë i brishtë. Unë jam si një lule e ndjeshme”, ka komentuar me humor ajo.
Johansson vazhdoi të shpjegonte se ka një arsye më të rëndësishme. Ajo tha se i kishte përdorur aplikacionet më parë, por vetëm për tre ditë përmes llogarisë së saj të kompanisë. Gjatë kësaj kohe, ajo kuptoi se sa kohë po humbiste duke parë faqen e dikujt në Instagram, duke mësuar detaje intime për jetën e tyre që nuk kishte nevojë t’i dinte.
Scarlett Johansson shpjegoi se më pas u ndje si një trevjeçare me telefonin e mamasë, e zhytur plotësisht dhe e kuptoi që nuk mund ta përballonte, kështu që vendosi të qëndronte larg rrjeteve sociale plotësisht.
