Disa filmimi të publikuara pas sulmit në Londër kanë prekur shumë njerëz, por një prej tyre është momenti kur një vajzë i lutej të dashurit të saj të plagosur që të mos vdiste.
“Qëndro me mua, të lutem… Unë të dua. Mos lejo që ata të ta marrin jetën”, dëgjohej ajo teksa i pëshpëriste atij me dëshpërim. I dashuri i saj është një nga 48 të plagosurit nga tre xhihadistët, që tronditën kryeqytetin britanik.
Dëshmitarët kanë përshkruar se kanë parë “trupa kudo”. Pak orë pas sulmeve janë shfaqur një sërë videosh dhe fotosh që tregonin pasojat e sulmit.
Në videon e publikuar nga “Daily Mail” shihen njerëz të shtrirë, si dhe ambulancat teksa marrin të plagosurit.
3 terroristë të armatosur me thika hynë me furi mes një turme njerëzish në Urën e Londrës, me një fugon të bardhë. Më pas, xhihadistët lanë automjetin dhe filluan të sulmonin njerëzit në zonën e njohur si “Borough Market”. 7 persona humbën jetën dhe 48 persona të tjerë u plagosën.
Burimi: Daily Mail
